Ч

(песна за Скопје)

Добро утро, свету

се расони лесно

Андалузискиот пес

и невино се насмевна.

А Скопје му рече

„Чибу бе

песу смрдлив

ова не е Франција

и нема толеранција“

(особено не за пците)

Истовремено

Черчил (Винстон)

сонуваше сон со Чаплин

(ЧЧЧЧЧ-Чудно)

како вози

даблдекер бас

низ шарено Скопје (повторно)

а Морисеј

е во фон:

And if a double-decker bus

Crashes into us

To die by your side

Is such a heavenly way to die...

Дали е надреализам

ако Чаплин

и песот (андалузиски)

јадат бурек

сабајлечки

у Чаир

и бистрат политика?

Или е нареализам

Скопје by itself.

Фото: Билјана Црвенковска